U Lamientu do Briganti

Fu Segretinu Mascaru,pue dittu Cappucciu . . .
Mi chiamanu Bonanima  ca sugnu bell' muortu . . .
E' vivu fhu' briganti ed eppe mu m'ammucciu
Cu i debbuli fu buonu,cu i prepotenti,stuortu....
Fu giusici supremu e' na banda e' rinnegati...
fu capu e' chidda ndrangata ditta de' ncappucciati.
Nescivi onz'acciu quandu, percio' non aju eta'
Nu figghju e' bona fimmana,origginariu e cca'.
Fhatiga aspetta e spera, a terra non rendia
a nna beddha fhigghjola a corte nci fhacia.
Ma u patruni mio cvhi portava u' lussu
na notte a volia pemmu soddisfa u jussu.
Pue pretendia,po figghju mpoltronatu,
u partu ipo pa leva u nci fhazzu u sordatu.
dazzsai zappa e runcigghju ntrha campagna
e briganti mi jettai,ntre' vuoschi da muntagna.  
O tiempu de borboni,u cardinali Ruffu,
m'amminazzau:morte e francesi sinno' t'abbuffu . . .
Da parte do' rre' e' napuli,stacia pe' nteriesi..
Pe dicca ca mi lagnu chi principi da chiesi!

Lottai contra i francesi e a Lucotte
nci fhjce vidire u sule a menzannotte!
Garibardi si cridia ca fhacia scintilli
cu cirti cammisi russi ch'eranu ppena milli!
Avia partutu e' quartu e ju a Marsala . . .
Avi d'essere mbiacu sta chianta da stivala 
ncia dezze e piemontesi pullentoni
chi pe curpa sua ni chiamanu terroni! 
S'onere pe nnui Briganti atru ca teanu..
a calabria sinda ja cu i cazi a nmanu!
Pue vinne achilli fazzari e si levau a fherrera
restamme muorti e fhami e bonasera!
Cavurru manovrau cu a scusa e' l'unita'
fumme sulu cava e vuoti e tappetu e potesta'...
Mo Bossi gargija cu a bandera padana
duoppu chi l'emigranti ' nci pprepararu a tiana. 
Briganti do' risorgimerntu,eroi ntra storia,
cu a mascaraa de boia eppumu a gloria!
si parra e' nu tesoru c'ammucciamme . . .
U tesoru e a liberta' chi bbi dassamme.
IO chi fu perseguitatu sutt'o punti e paci . . .
si briganti e' mo vorria mi pigghju a caci!
Formanu tutti na bella banda
fatta da gienti c'oje vi cumanda . . .
penzandu a com'ere tandu stu pajsi mio . . .
Mi lamientu cu rreggiuni Chiaravaddhj addio!
E cerzuddi non ci su cchiu' rizzi . . .
I cierzi mo,chi jettanu,mundizzi!
Na gurna scavata a chiamanu piscina . . .
Pecchi,da intra si face l'orina?
N'acquaru e' lissia este ncinali...
e dinnu nui briganti i gienti mali!
si tornaria vivu io dittu papali, u cazzu 
 cho' chiudarienu stu spitali!
Ma sparava colpi e' doppietta
e facia i cuosi a modu mio...
cuomu si dice l'anima a Dio
e a rrobba a cui aspetta . . .
E sulu n'esiempiu,pe carita'
ca sugnu nu fantasma chi potiri on ha.
Su nnu spiritu abuolicu de scordati
eppuru aiu chimmu sientu . . .
 si parra e nu risorgimientu
e sti ripi nuotrhi abbandunati...
Cunzigghj e nu Briganti do penzieru 
chi stu pajsi l'ama pe davieru...
Pe stu lamientu na cundanna cu ma duna?
Tantu su muortu e duomu a coste e luna!




 . . .